• Learnwithrazzak

    22 Sep 2016

    Apni Blog Post Ka URL Address Kese Change Karte Hein With Permalink





    Blogger pe jub koi bhi post publish ki jati hai to uska koi na koi url address zaror hota hai jis ko simple words mein link bhi bolte hein.Aksar bloggers ka sawal hota hai keh kya hum apne blog ki post ka url address yani post ka link change kar sakte hein.G haa aisa possible hai hum easily apne blog ka url change kar sakte hein.Iss ke lye hum jo tool istamaal karein ge uska naam hai custom permalink.





    Custom Permalink Kya Hai Aur Iska Kya Faida Hai:

    Blogger ne humein bohat saari free services de rakhi hein jis mein se aik service ka naam hai custom permalink.Custom permalink se hum apni post ka url chota kar sakte hein.Url ko short karne ka faida ye hota hai keh visitors usko asani se yaad bhi rakh sakte hein aur google bhi short url ko achi tarah se support karta hai.Custom permalink ko use kar ke apni post ko seo friendly bnaya ja sakta hai.Iss ki help se hum apni post ka url apni marzi ke mutabiq set kar sakte hein lekin iss ke lye hum ko kuch important points ka bhi khayal rakhna ho ga jo mein iss post ke end pe btao ga.





    Post Ka Url Kese Change Karein:

    Sub se pehle iss baat ko note kar lein keh hum ne apne blog pe jo posts publish kar li hein hum un ka url address change nahi kar sakte but jub hum koi new post publish karne lage ge usko hum change kar sakte hein.


    1.Sub se pehle blogger pe ja ke new post ko click karein

    2.Iske baad post ka title and content write kar lein



    3.Jub title and content write kar lein to right side mein post setting ke neeche Permalink option ko select karein


    4.Ab ye apki post ka url kuch seconds mein automatic generate kare ga



    5.Ab hum ne apni marzi ka url select karna hai iss lye custom permalink ko select karein

    6.Iske baad hamari post ka pehle wala url humein show ho ga usko change karne ke lye custom permalink ko click kre


    7.Ab yaha pe url mein jo words aap use karna chahte hein wo rehne dein aur baqi ko clear kar ke remove kar dein




    8.Last mein post ko publish kar dein aur apni post ka url check karein jo change ho chuka ho ga.






    Important Notes:

    Post ka url change karte waqt iss baat ka zaror khayal rakhe keh post ka url bohat zayada chota bhi na ho aur bohat zyada bara bhi na ho.Blog post ka url change karte waqt hur word ke baad - ka istamaal karein.Iss ke ilawa post ke url mein famous keywords use karein.For example meri iss pos ka url ye hai   blog-post-url-address-kese-change  agar mai iss ko aise lagata to ye bilkul bhi theek nahi hota  apni-bloh-post-ka-url-kese-change-karte-hein.Meri iss baat kehne ka muqsad ye hai keh agar hum post ke url mein famous words ki bjaye simple words jese ka, ki aur jese words use karte hein to hamari post google search mein bohat down ho jaye gi jis se ye seo friendly bhi na hogi and hamare blog ke visitors bhi kum hote jaye ge.








    So kesa laga ye article friends umeed karta hoo keh sub ko bohat pasand aaya hoga aur agar kisi type koi question ho to comment zaror kare.

    5 comments:

    Comment Ka Reply Bohat Jaldi Kia Jaye Ga Shukria.

    About Owner

    Founder & Author: Abdul Razzaq is a Pakistani blogger.He make this blog for helping people online.He shares articles about Earn Money Online,Mobile FLashing,Android Tricks,Android Apps,Anti Hacking,Free Internet,Pc Softwares and others articles.Please follow him to support.

    Subscribe Us Via Email

    Sign Up for Email Updates

    Follow Us On Social Media